எமது சபையானது கருவறை முதல் கல்லறை வரை என்னும் தொனிப்பொருளுக்கிணங்க மக்களுக்கு சேவையாற்றி வருகின்றது. பிரதேச சபையானது அதன் பிரதேசத்தில் பகிரங்க சுகாதார பொது நிருவாக அதிகார சபையாகவும் பிரதான பொதுவழிகள் தவிர்ந்த அனைத்து பொதுவழிகளினதும் தொடர்புகளினதும் பொது நிருவாக அதிகார சபையாகவும் செயற்பட்டு வருகின்றது. சபையின் ஆளுகைப் பிரதேசம் மாந்தை மேற்கு பிரதேச சபையானது, இலங்கையின் வடக்கு மாகாணத்தின் மன்னார் மாவட்டத்தில் மாந்தை மேற்கு பிரதேசத்தில், 47 கிராம உத்தியோகத்தர் பிரிவினை உள்ளடக்கிய 1183.38 சதுர கிலோமீற்றர் பரப்பளவினைக்கொண்ட பிரதேசமாகும். அத்துடன் மாந்தை மேற்கு பிரதேச செயலகத்தின் நிர்வாக எல்லை மற்றும் மடு பிரதேச செயலக பிரிவு ஆகியனவற்றினை உள்ளடக்கி மாந்தை மேற்கு பிரதேச சபையின் நிர்வாக எல்லையாகவும் உள்ளமை குறிப்பிடத்தக்கது